Merr freue ons!

Weihnachten oder Kirmes,

demm Kaaschter is klor,

Kirmes is och bloß ehmol im Johr.

Nu steht dat Fest kooz vör de Dür,

et fänk wier jeder Bürjer Füer.

Jewienert es ald jede Hoff,

die Bochse och, ut wissem Stoff

hänge all parat im Schrank,

schwatte Schohn send blitzeblank

jewixt, op Hochjlanz och poleet,

die Frollütt stond all hengerm Heed

un send am backe leckere Koke

jede Schornsteen es am schmoke

objehängt send alle Fahne

alde Belder von de Ahne

erstrahle jetz in nöjem Jlanz

jeordert es och ald d´r Kranz

för Sonndaach-Morje am Ehrenmal

bloß beem Weer ham´merr kenn Wahl

dat mösse merr nehme, wie et kütt

ejal, merr freue ons, err Lütt,

denn, wenn ett rennt, jom`merr int Zelt

dat es op Kirmes demm Kaaschter sin Welt!

von Hildegard Freudenberg